ارجع دخيلك

--------------------------------------------------------------------------------
لا تسأل إشفيني أسأل حالك إشفيني
روح أسأل الحزن عن ساعات حرماني
تغيب عني وكأنك ما تراعيني
وإذا سألتك تقول كله على شاني
يأبن الحلال ترا ألغلا واضح بعيني
يعني غيابك تراه يهز وجداني
لاتبعد عني بعادك يبكيني
وأحس الأرض بغيابك كيف تبغاني
إرجع دخيلك ولا يحتاج تراضيني
أصلاً أنا لا سمعت الصوت ناداني
غسلت ضيق الزمن وغبار إسنيني
واعلنت بالوصل لأجل عيونك إحساني
أحسنت ظني وجبت الورد بإيديني
وتبي الصراحه عليك الورد وداني
لميت شوقي وجيتك دخيلك لا تجافيني
لو شفتني منك مضايقه والنوم ما جاني
يكتب دموعي قصيد ودفترك فيني
بيت إبتسامه وبيت احلا من الثاني
كتاب واضح وفيه عنوان سميني
عاشقه وفيه والجمال من الله رباني
أشدحيلي عشانك واذبح إيديني
واشق صفحه وارد أكتبك عنواني
وإذا قلت زعلانه عادي لاتراضيني
بس طمني عنك والرضاء يستوطن أحزاني